"Барселона" ҳужумчиси Ферран Торрес жорий мавсумнинг қолган ўйинларини ўтказиб юборади.
25 ёшли футболчи аппендицитни олиб ташлаш бўйича жарроҳлик амалиётини ўтказди, бу ҳақда клуб чоршанба куни хабар берди. Журналист Хави Мигелнинг ёзишича, форвард жорий кампания якунига қадар тикланишга улгурмайди. Ла Лиганинг "Эспаньол" (15 май), "Вильярреал" (18 май) ва "Атлетик Бильбао" (25 май) билан қолган ўйинларида "кўк-анорранглилар" Торрессиз ўйнашига тўғри келади.
Бугуннинг ўзидаёқ Ҳанс-Дитер Флик жамоаси "Эспаньол"ни мағлуб этса, муддатидан аввал чемпионликни қўлга киритади.
Ферран Торреснинг ҳисобида барча мусобақаларда 45 та ўйинда 19 та гол ва еттита голли узатма бор.
