"Барселона" ўзининг расмий сайтида ҳимоячи Андреас Кристенсен олган жароҳат ҳақида маълумот жойлаштирди. Шанба кунги машғулотларда тиззасини муваффақиятсиз буриш натижасида даниялик жароҳат олди.
Кристенсенда чап тиззанинг олдинги хочсимон боғлами қисман узилганлиги аниқланди. Қизиғи шундаки, футболчи операция қилинмайди - ўтказилган текширувлардан сўнг консерватив даволаш курси танланган.
Андреас Кристенсеннинг тикланиш муддати унинг реабилитацияси динамикасига боғлиқ бўлади. Дарвоқе, 29 ёшли данияликнинг амалдаги шартномаси 2025/2026 йилги мавсум якунига қадар мўлжалланган.
Ўзбекистоннинг "ЖЧ–2026" гуруҳ босқичидаги рақиби ўзгариши мумкин
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
