«Барселона» делегациясининг «Олтин тўп» тақдирлаш маросимидаги таркиби маълум бўлди

«Барселона» делегациясининг 2025 йилги «Олтин тўп» тақдирлаш маросимидаги таркиби маълум бўлди.

Mundo Deportivo маълумотига кўра, каталонияликлар делегацияси таркибида Ламин Ямал, Рафинья, Пау Кубарси ва бош мураббий Ханс-Дитер Флик Парижга йўл олади.

Шунингдек, уларга президент Жоан Лапорта ва бошқа раҳбарият аъзолари, шунингдек аёллар жамоаси футболчилари қўшилади.

Маълум қилинишича, Педри ва Роберт Левандовски маросимда қатнашмайди.

Тақдирлаш маросими 22 сентябрь куни Парижда бўлиб ўтади.