Испания чемпионатининг 36-туридан ўрин олган "Барселона" - "Эспаньол" баҳсида "кўк-анорранглилар" 2:0 ҳисобида ғалаба қозонди. Ўйин "Cornella El Prat" стадионида бўлиб ўтди.
Биринчи бўлимда гол урилмади. Иккинчи бўлим бошида Ламин Ямал 53-дақиқада Дани Ольмонинг узатмасидан сўнг ҳисобни очди. Қўшиб берилган дақиқаларда Фермин Лопес Ямалнинг узатмасидан сўнг каталонияликларнинг иккинчи голига муаллифлик қилди.
"Эспаньол" 80-дақиқадан бошлаб бир киши кам бўлиб ўйнади, ҳимоячи Леандро Кабрера қизил карточка олди.
"Барселона" очколарини 85 тага етказиб, мавсум якунланишига 2 тур қолганида турнир жадвалида биринчи ўринни кафолатлади. Иккинчи ўриндаги "Реал" ҳисобида 78 очко мавжуд. "Эспаньол" 39 очко билан 16-ўринда бормоқда.
"Кўк-анорранглилар" 28 карра Испания чемпиони бўлишди. Бу кўрсаткич бўйича клуб турнир тарихида иккинчи ўринда бормоқда - "Реал" 36-чемпионлик билан пешқадамлик қилмоқда.
"Реал" футболчиси қамоққа тушиши мумкин
Ёзда "Барса"дан кимлар кетиши мумкинлиги маълум бўлди
Ўзбекистон терма жамоасининг ҳал қилувчи ўйинларига ҳакамлар тайинланди
