"Барселона" 2023 йилда амалга оширадиган илк трансферини ҳал қилди

"Барселона" Иньиго Мартинеснинг трансферини кечиктиришга қарор қилди.

Каталонияликлар ушбу трансфер ойнасида ҳимоячи учун "Атлетик Бильбао"га 15 миллион евро таклиф қилишди, аммо рад жавобини олишди. Энди келишув январгача тўхтатилди.

Иньигонинг шартномаси 2023 йилнинг июнида тугайдиган бўлса, у январдан бошлаб бошқа клублар билан музокаралар олиб бориши мумкин.

Diario Sport хабарига кўра, футболчи "Атлетик" билан шартномасини янгиламайди ва 2023 йилда кутилмаган воқеа рўй бермаса, "Барса"га ўтади.