«Барса»да Роберт Левандовски ўрнига асосий даъвогар маълум

Роберт Левандовски бу йил "Барселона"ни тарк этиши мумкин. Каталония клуби польшалик билан шартномани узайтирадими ёки йўқми, ҳозирча аниқ эмас. Левандовскининг амалдаги меҳнат шартномаси 2025/2026 йилги мавсум охиригача мўлжалланган.

Transfer News Live нашрининг журналист Альфредо Мартинесга таяниб хабар беришича, Роберт Левандовскининг ўрнига "Атлетико"дан Хулиан Альварес асосий номзод бўлиб турибди. Матбуот анчадан бери Альваресни "Барселона" билан боғлаб келади.

Август ойида Левандовски 38 ёшга тўлади. Альварес эса январь ойи охирида 26 ёшини нишонлайди. Нуфузли Transfermarkt портали аргентиналикни 100 миллион еврога баҳоламоқда.