25 декабрь куни AZAL’га тегишли Embraer 190 самолёти ҳалокатга учраганига бир йил бўлди. Баку–Грозний йўналишидаги J2 8243 рейси Қозоғистоннинг Актау шаҳридан 3 км узоқликда авариявий қўниш қилган эди.
Фожеа оқибатида 38 киши ҳалок бўлган, 29 нафар йўловчи турли даражада жароҳат олган.
Озарбайжон президенти Илҳом Алиев топшириғига мувофиқ, авиаҳалокат сабабларини ўрганиш учун Бош вазир Али Асадов раҳбарлигида давлат комиссияси тузилган.