Польшанинг Гданск шаҳрида расмийлар собиқ Россия Бош консуллиги биносини эгаллаб олишга уринди. Бу ҳақда Polsat нашри хабар бермоқда.
Польша Ташқи ишлар вазирлиги рухсатномани бекор қилгани сабабли бинонинг консуллик сифатидаги муддати 23 декабрда тугади. Гданск шаҳар судьяси ходимлари бинони Польша расмийларига топшириш учун унга киришга ҳаракат қилишган, бироқ эшик очилмаган. Бинода одам борлиги белгилари кўринган.
Шаҳар маъмурияти матбуот хизмати раҳбари Изабела Козика-Пруснинг сўзларига кўра, амалдорларнинг ҳаракатлари Польша Ташқи ишлар вазирлиги билан келишилган.
Аввалроқ, 3 октябрь куни Польша ташқи ишлар вазири Радослав Сикорски Варшава Москва билан дипломатик муносабатларни узиш ниятида эмаслигини маълум қилганди. Бироқ, у Польшадаги охирги Россия консуллигини ёпишни таклиф қилган.
Россиянинг “таслим бўлиш” таклифи ҳақида маълум қилинди
Абдуқодир Ҳусанов «Реал»да ўйнашга яқин турибди
Россия собиқ СССРнинг Европа қисмидаги ҳудудларини қайтадан эгаллашни истайди(ми)?
