Ла Лиганинг 26-туридан ўрин олган "Бетис" - "Атлетик" учрашувида нохуш ҳодиса юз берди.
“Бетис” ҳужумчиси Чими Авиланинг 13-дақиқада урганидан голидан сўнг, телекамера билан тасодифий тўқнашув натижасида бош ҳакам ёрдамчиси Гуадалупе Поррас Аюсо жиддий жароҳат олди.
37 ёшли Порраснинг юзи қонга беланган, унга тиббий ёрдам кўрсатилиб, замбилда олиб кетилган.
Жабрланувчи ўрнига захира ҳаками тайинланганидан кейин ўйин давом этди.
Поррас Ла Лига ўйинларида ишлаган биринчи аёл ҳакамдир.
