"Эрон президенти Масъуд Пизишкиён якшанба куни Теҳрон Вашингтон билан тўғридан-тўғри музокаралар ўтказиш таклифини рад этганини маълум қилди. Бу таклиф АҚШ президенти Доналд Трампнинг Эронга юборган мактубига жавобан билдирилган", деб ёзади агентлик.
Бу Трампнинг мурожаатига биринчи расмий жавоб бўлиб, Эрон ва Қўшма Штатлар ўртасидаги кескинлик янада кучайиши мумкинлигини англатади.
"Гарчи икки томон ўртасида тўғридан-тўғри музокаралар ўтказиш имконияти рад этилган бўлса ҳам, билвосита музокаралар учун йўл очиқ қолмоқда", — дея қўшимча қилди Эрон президенти.
AP'нинг эслатишича, Трамп 2018 йилда АҚШни Эроннинг халқаро ядровий келишувдан чиқариб юборгандан бери ўтказилган билвосита музокаралар натижасиз якунланган.
Март ойида Ахиоs нашри Трамп Эронга янги ядровий келишув тузиш учун икки ой муҳлат берганини хабар қилган эди. У Эрон олий раҳбари Оятуллоҳ Али Хоманаийга мактуб юборган бўлиб, унда АҚШ президенти янги музокаралар ўтказишни талаб қилгани ва агар Эрон буни рад этса, оқибатлари оғир бўлиши ҳақида огоҳлантиргани айтилган.
Украиналик асир: "Украина Қуролли кучлари қарийб уч йилдан бери хорижий снарядлардан фойдаланиб келмоқда"
АҚШ мудофаа вазирининг қўлида арабча ёзилган татуировка борми?
АҚШ Украина билан урушдан кейин Россия учун янги режа таклиф қилади
