Асака туманида яшовчи эр-хотин ажрашгач, ўртадаги икки автомашинани бўлиша олмай қолди. Суднинг қарорига кўра, автомашиналарнинг ярим пули аёлга берилиши белгилаб берилди.
Фуқаролик ишлари бўйича Асака туманлараро судининг ижро ҳужжатига мувофиқ, қарздор Ғ.Х.дан ундирувчи А.Х. га автомашиналар умумий қийматининг тенг ярми, яъни 110 млн 238 минг сўм ундириб берилиши кўрсатилган бўлиб, бу борада Бюронинг Асака туман бўлими ходимлари тегишли тартибда ижро ҳаракатларини олиб борди.
Ижро ҳаракатлари давомида қарздорга суд ҳужжатида кўрсатилган маблағ А.Х.га берилган тақдирдагина, унинг мулкка эгалик ҳуқуқи тугатилиши тушунтирилди.
Тарафларнинг ўзаро келишувига кўра, иккита “Damas” автомашинасидан улуш ҳисобига эркак собиқ аёлига 7 000 АҚШ доллари тўлаб берадиган бўлди.
Жараёнда, аёлнинг автомашиналардан бўлган ҳақи ундириб берилди ва иккита “Damas” Ғ.Х.нинг эгалигида қолди.
Россияликлар рекорд суръатда ўлмоқда
Наврўзда Ўзбекистон аҳолиси неча кун дам олади?
Россия ва Украина келишувга эришди
