Аргентина президенти Хавьер Милей Иккинчи жаҳон урушидан сўнг мамлакатда бошпана топган нацистлар ҳақидаги ҳужжатларни ошкор этишни буюрди.
Бош вазир Гилермо Франкоснинг маълум қилишича, мазкур қарор АҚШ Сенатидаги Республикачилар партияси вакили Стив Дейнснинг илтимосига жавобан қабул қилинган.
"Президент барча ҳужжатларни эълон қилиш бўйича кўрсатма берди, чунки бу маълумотни яширишни давом эттиришга асос йўқ", — деди Франкос.
Маълумотларга кўра, Иккинчи жаҳон уруши тугаганидан сўнг тахминан 10 минг нафар нацист Аргентина ва Жанубий Америкадаги бошқа мамлакатларга қочиб кетишга муваффақ бўлган. Улар орасида Освенцимда одамлар устида тажрибалар ўтказган врач Йозеф Менгеле ва “Ҳолокост меъмори” Адолф Эйхман ҳам бор.
Кремль миллиардлаб топмоқда, Европа эса миллиардлаб сарфламоқда
Дуров: "Мен русман!"
Покистон ва Афғонистон ўртасида қуролли можаро бошланди
