Аргентина президенти мамлакатда пул келиб чиқишини текширишни тўхтатмоқчи

Аргентина ҳукумати пулнинг келиб чиқишини текширишни бекор қилиш учун норматив-ҳуқуқий база устида ишламоқда.

Маҳаллий А24 телеканалига таяниб, бу ҳақда мамлакат президенти Хавьер Милей маълум қилди.

"Менимча, бу шубҳали транзакция билдиришномалари даҳшатли туш. Сиз долларларни хавотирсиз ишлатишингиз мумкин ва ҳеч ким сиздан ҳеч қандай тушунтириш сўрамаслиги керак", - деди у.

Унинг фикрича, ҳукумат томонидан ишлаб чиқилаётган чора-тадбирлар “иқтисодиётга маблағлар киритилишини” таъминлаши керак, бу эса ўсиш суръатларини сезиларли даражада тезлаштириши мумкин. “Аргентина ялпи ички маҳсулоти 600 миллиард долларни ташкил қилади, аргентиналикларнинг эса матраслари остида 200 миллиарддан 400 миллиард долларгача, яъни ЯИМнинг 33 фоиздан 66 фоизигача бўлган маблағи бор”, - дейди давлат раҳбари.

Хавьер Милейнинг сўзларига кўра, давлат солиқ тўлашдан бўйин товлаш учун пулларини яширганларни жазоламаслиги керак, чунки “одамлар ўзини ўғри сиёсатчилардан ҳимоя қилишга уринган”. “Улар жиноятчилар эмас, қаҳрамонлар”, деб қўшимча қилди президент. Ноқонуний равишда олинган пуллар ҳақидаги саволга Милей "иқтисоддан жиноятчиликка қарши курашда фойдаланмаслик керак" деб жавоб берди. “Хавфсизлик ва мудофаа вазирликлари гиёҳванд моддалар савдосига қарши курашиши керак.

Хавьер Милейнинг хабар беришича, солиқ агентлиги, Иқтисодиёт вазирлиги ва мамлакат Марказий банки ҳозирда декларация қилинмаган пуллардан фойдаланишга рухсат берувчи норматив-ҳуқуқий базани ишлаб чиқиш устида ишламоқда.