Футбол бўйича Ўзбекистон Про-лигасининг 23-турида Нукуснинг «Арал» жамоаси «Жайхун» устидан 2:0 ҳисобида ғалаба қозониб, муддатидан аввал чемпионликни расмийлаштирди.
Учрашувнинг 17-дақиқасида Асадбек Мустафақулов тўпни ўз дарвозасига йўллаб қўйди. 83-дақиқада эса Марк Краснов иккинчи голни киритиб, нукусликларнинг ғалабасини таъминлади.
Мазкур натижадан сўнг «Арал» ҳисобидаги очколар сони 58 тага етди. Шу тариқа, жамоа Про-лига чемпионлигини қўлга киритиб, келаси мавсум Суперлигада иштирок этиш ҳуқуқига эга бўлди.
Эътиборлиси, Нукус клуби сўнгги бор 2001-йилда Ўзбекистон олий дивизионида қатнашган эди. Орадан 25 йил ўтиб, «Арал» мамлакат футболининг энг юқори лигасига қайтишга муваффақ бўлди.
Шоҳжаҳон Эргашевнинг Тошкентдаги жанги жанжал билан ниҳоясига етди
Португалия футбол федерацияси Роналду бўйича ўз позициясини маълум қилди
Мбаппе Месси рекордини синдирди
