Осиё Олимпия Кенгаши (ООК) 2026 йилда Ар-Риёд (Саудия Арабистони) шаҳрида ўтказилиши режалаштирилган VI Ёпиқ иншоотлар ва жанг санъатлари Осиё ўйинларини расман қолдирилганини эълон қилди.
ООК ва Ўйинлар ташкилий қўмитасининг қўшма баёнотига кўра, ушбу комплекс мусобақа 2027 йил 28 мартдан 8 апрелгача бўлиб ўтади.
Янги саналар Миллий Олимпия қўмиталари ва тадбир ҳамкорлари билан маслаҳатлашувлардан сўнг маҳаллий ташкилий қўмита билан биргаликда белгиланди. Кўчириш спорт тақвимини мувофиқлаштириш ва иштирокчи мамлакатларнинг максимал кенг вакиллигини таъминлаш имконини беради.
Якуний қарор ташкилий ва логистик масалаларни кўриб чиққандан сўнг қабул қилинди.
Қайд этилишича, ушбу мусобақада 45 та давлатдан 4500 нафардан зиёд спортчи иштирок этади.
Ўйинларни ўтказиш бўйича қўшимча маълумотлар ташкилотчилар томонидан кейинроқ тақдим этилади.
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
Дунёдаги энг йирик йўловчи самолёти Москвага қўна олмаяпти — ОАВ
