АҚШнинг янги санкциялар пакетидан Россияга қарши юзлаб чекловлар ўрин олган. Бу ҳақда АҚШ Давлат котиби ўринбосари хабар берди.
Виктория Нуланд Россиянинг Украинага кенг кўламли бостириб киришининг икки йиллиги санасида Вашингтон Россияга қарши янги санкциялар жорий этишини маълум қилди.
Унинг сўзларига кўра, АлексейвНавалнийнинг ўлимида айбдорларга қарши бир қатор чоралар кўрилади, бироқ санкцияларнинг аксарияти "Путиннинг уруш машинаси"га зарба беради ва мавжуд санкциялардаги бўшлиқларни тўлдиради.
