АҚШ собиқ давлат котиби Майк Помпео Fox News подкастида Қўшма Штатлар узоқ вақтдан бери украиналик ҳарбий хизматчиларни тайёрлаб келаётганини айтди.
“Билиш керакки, Украина қуролли кучлари анчадан бери АҚШда тайёргарликдан ўтмоқда”, — дея унинг сўзларидан иқтибос келтирган РИА Новости.
Помпео Марказий разведка бошқармаси бошлиғи бўлган вақтлари ҳақида гапирди. Кейин, унинг сўзларига кўра, у бир неча бор Украинанинг жануби-шарқига борган ва у ерда Марказий разведка бошқармасининг бошқа ходимлари билан биргаликда Украина махсус кучларига турли йўллар билан ёрдам берган.