АҚШнинг Миссисипи штатидаги ўрта мактаб ўйини пайтида отишма содир бўлди, натижада тўрт киши ҳалок бўлди, камида 12 киши яраланди.
Лиланд шаҳри мэри Жон Лининг маълум қилишича, қуролланган шахс жума куни кечқурун шаҳардаги ўрта мактабда ўтказилаётган ўйин вақтида ҳужум қилган.
Унинг сўзларига кўра, ҳужум натижасида тўрт киши ҳалок бўлган, камида 12 киши тан жароҳати олган.
Ҳужум билан боғлиқ ҳолда ҳозирча ҳеч ким қўлга олинмаган, тергов ишлари давом этмоқда.
