16 октябрь ҳолатига кўра, АҚШнинг Эронга қарши ҳарбий операцияси учун сарфлаган маблағи 47,1 миллиард долларга етди. Бу Пентагоннинг аввалги баҳосига нисбатан 3,5 миллиард долларга кўпдир.
Бу ҳақда Punchbowl News мухбири Брианна Райли АҚШ Қуролли кучлари Марказий қўмондонлиги (CENTCOM) томонидан Конгрессга тақдим этилган маълумотларга таяниб маълум қилди.
Унинг маълумотларига кўра, АҚШ Мудофаа вазирлиги ҳарбий харажатларнинг аввалги баҳосини сентябрь ойи бошида қонун чиқарувчиларга тақдим этган.
Харажатларнинг асосий қисми — тахминан 29 миллиард доллар — жанговар ҳаракатлар давомида сарфланган ўқ-дорилар захирасини тўлдиришга йўналтирилган.
Операцион харажатлар 11,9 миллиард долларни ташкил этган. Йўқотилган ҳарбий техника ва ускуналар ўрнини қоплаш учун эса яна тахминан 6,1 миллиард доллар сарфланган.
Шу билан бирга, умумий ҳисоб-китобга можаро давомида минтақада зарар кўрган Америка ҳарбий объектларини тиклаш харажатлари киритилмаган.
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
Дунёдаги энг йирик йўловчи самолёти Москвага қўна олмаяпти — ОАВ
