АҚШнинг Эрон юк кемаларини ўққа тутиши натижасида беш киши ҳалок бўлди

АҚШ иккита кичик фуқаролик юк кемасига ўқ узди, натижада беш киши ҳалок бўлди.

Бу ҳақда Эроннинг Tasnim ахборот агентлиги ҳарбий манбага таяниб хабар берди.

"АҚШ ИИҚК тезюрар қайиқлари ўрнига иккита кичик юк кемасига ўқ узди, беш тинч аҳоли ҳалок бўлди", дейилади хабарда.

Tasnim хабар беришича, фуқаролик юкларини ташиётган кемалар Уммоннинг Ҳасаб портидан Эрон қирғоғига кетаётган эди. Ҳодиса АҚШ бир нечта Эрон қайиқларини чўктиргани ҳақидаги хабарларни текширгандан сўнг аниқланди.

Бир кун олдин АҚШ Марказий қўмондонлиги раҳбари адмирал Бред Купер АҚШ ҳарбийлари Ҳормуз бўғозида олтита кичик Эрон тезюрар қайиқларини чўктирганини эълон қилди. Теҳрон бу хабарларни рад этди.