АҚШда суд Нью-Йорк мэрига қарши жиноий ишни ёпди — Associated Press

Федерал судья чоршанба куни Нью-Йорк мэри Эрик Адамсга қарши очилган коррупция ишини ёпиш ҳақида қарор чиқарди ва АҚШ Адлия вазирлигининг илтимосини қондирди.

Шу билан бирга, судя прокурорларга Нью-Йорк мэрлиги учун сайловлардан кейин ишни қайта тиклаш имкониятини бермади.

Associated Press агентлиги ёзишича, суднинг ушбу қарори демократ Адамсни шахсан президент Дональд Трампга ёқадиган усулда шаҳарни бошқариш заруратидан халос қилади. Шунингдек, республикачилар назоратидаги Адлия вазирлиги унга қарши айбловларни қайта қўйиши хавфи ҳам бартараф этилди.

Адамсга 2024 йил сентябр ойида коррупция ва чет элдан сайлов кaмпанияси учун ноқонуний пул олиш айбловлари қўйилган эди. У Нью-Йорк шаҳар мэри лавозимида турган ҳолда жиноий иш очилган биринчи шаҳар раҳбарига айланган эди.