Американинг машҳур "Лос-Анжелес Кингс" хоккей клуби ҳар йили Лос-Анжелесда яшовчи кўп сонли арман диаспораси шарафига "Арман мероси кечаси" деб номланган тадбирни ўтказади.
Бу йилги "Кеча" 22 февралда бўлиб ўтди. Ўша куни "Кингс" Миллий хоккей лигаси доирасида "Юта" жамоасини қабул қилди. Айнан шу сана учун Арманистон байроғи ранглари ва клуб логотипи туширилган турли рамзий буюмлар, жумладан шарфлар тайёрланди. Уларни исталган киши сотиб олиши мумкин эди. Бироқ, харид қилган арманларни кутилмаган ҳолат кутмоқда эди. Биркада "Туркияда ишлаб чиқарилган" деган ёзув бор эди.
Шов-шув кўтарилди ва деярли 60 йилдан бери фаолият юритаётган ҳамда ўз тарихида икки марта Стенли кубогини қўлга киритган клубга узр сўрашга тўғри келди.
"Биз, "Los-Anjeles Kings" ва Rank & Rally'даги ҳамкорларимиз, арман жамоаси ва ундан ташқаридаги барча дўстларимиздан, қувончли байрамга айланиши керак бўлган тадбир пайтида сизнинг тажрибангизга беихтиёр салбий таъсир кўрсатган камчилик учун самимий узр сўрамоқчимиз," деб айтилган "Kings" баёнотида. "Биз Миллий хоккей лигаси томонидан расман лицензияланган ишлаб чиқарувчиларнинг танланган рўйхатидан товарларни харид қиламиз, сақлаймиз ва сотамиз. Товарнинг келиб чиқиши ҳақида билмаган эдик."
Клуб "Los-Anjeles Kings" расмий дўконидан шарф сотиб олган ҳар бир кишига тўлиқ пулни қайтариш ёки товарни алмаштириш имкониятини таклиф қилди.
