АҚШ ҳукумати бир тонна метамфетаминни қўлга олди.
Бу ҳақда Гиёҳвандликка қарши кураш бошқармаси директори Тимоти Ши маълум қилди ва мусодара қилинган гиёҳванд модданинг АҚШ тарихидаги сунъий равишда синтез қилинган гиёҳванд моддаларнинг энг йирик партияси бўлганлигини таъкидлади.
Маълумотларга кўра, тақиқланган моддаларни қўлга олиш бўйича операция октябрь ойининг бошларида Калифорнияда амалга оширилган. Унинг натижасида ҳокимият гиёҳванд моддаларни сақлаш ва тарқатиш билан шуғулланган улкан тармоқни "қамраб олишга" муваффақ бўлган. 1008 килограмм метамфетаминдан ташқари, 405 килограмм кокаин ҳамда олти килограмм героин ҳам мусодара қилинган.
Аниқланишича, улар АҚШга Мексикадаги энг йирик гиёҳванд моддалар картели - Синалоа томонидан етказиб берилган.
