АҚШ ва Исроил Яманга биргаликда зарбалар берди

АҚШ ва Исроил "Ансор Аллоҳ" исёнчи ҳаракатидан ҳутийлар назорати остидаги Ходейда шаҳрига қўшма зарбалар бермоқда.

Бу ҳақда ҳусийларга тегишли "Ал Масираҳ" телеканали хабар берди.

Саудия Арабистонининг "Ал Ҳадатҳ" телеканали хабарига кўра, Исроил авиацияси Қизил денгиз соҳилида жойлашган Ходейда портига ҳамда ҳутийлар яқинидаги объектларга ҳужум қилган. Телеканал манбаларига кўра, 5 май оқшомида Ал-Ҳодейда провинцияси камида 12 марта ҳаво ҳужумига учраган.

Эслатиб ўтамиз, 4 май куни Тел-Авивдаги Бен Гурион халқаро аэропорти яқинида яманлик ҳутийлар томонидан учирилган ракета портлаган эди. Исроил армиясининг билдиришича, ракетани бир неча бор уринишларига қарамай тутиб бўлмади. Ҳодиса оқибатида 8 киши жароҳатланган.

Ҳусийлар ракета зарбаси учун жавобгарликни ўз зиммаларига олдилар. Ҳаракатнинг ҳарбий воизи Яҳё Сариянинг айтишича, исёнчи кучлар аэропортга гипертовушли баллистик ракета билан ҳужум қилган. Исроил Бош вазири Бинямин Нетаняху жавоб чораларини кўришга ваъда берди.

Яманнинг ҳутийлари Ғазо секторида ўт очишни тўхтатиш келишуви бузилганидан кейин Исроилни мунтазам равишда ўққа тута бошлади. Исёнчилар бир неча бор фаластинликлар билан бирдамлик сифатида Исроил ҳудудига ракета ва учувчисиз учоқлардан зарбалар бераётганини айтишган.