Қўшма Штатлар ҳусийларни кема қатновига қарши ҳужумлардан тийиб турадиган ҳар қандай келишувларни тузиш учун Исроилдан рухсат олишни талаб қилмайди. Бу ҳақда АҚШнинг Исроилдаги элчиси Майк Хакаби маълум қилди.
Элчининг таъкидлашича, АҚШ ҳусийларнинг Исроил давлатига қарши ҳужумларига фақат америкаликлар жабр кўрган тақдирдагина жавоб қайтаради. Исроилдаги америкаликлар сони 700 мингга яқин, дея қўшимча қилди элчи.
Бир неча кун аввал расмий Вашингтон АҚШ ҳусийлар билан сулҳ тузаётганини маълум қилганди. Ҳусийлар кема қатновига қарши ҳужумлардан ўзини тияди, АҚШ эса Ямандаги ҳусийлар обектларини бошқа бомбардимон қилмайди.
Расмийларга кўра, Исроил келишув ҳақида олдиндан хабардор қилинмаган. Трамп бу ҳақда ҳусийларнинг ракетаси Бен-Гурион аэропорти ҳудудига қулаганидан икки кун ўтиб маълум қилди.
Россияда якун ясалди: СССР йўқ бўлди
ХХР Данияга Россия билан ҳамкорликни тўхтатиш чақириғига "шапалоқ" билан жавоб қайтарди
Кремль миллиардлаб топмоқда, Европа эса миллиардлаб сарфламоқда
