ҲАМАСнинг қуролли қаноти Исроил кучларига бўлган ҳужумнинг тасвирларини эълон қилди

Қассам бригадалари Ғазо шимолидаги Байт Лаҳия ҳудудида давом этаётган операциясининг бир қисмини акс эттирувчи видеони эълон қилди.

Видеода жангчилар турар-жой биноси ичида яширинган Исроил кучларини нишонга олаётгани кўрсатилган. Бу саҳнадан кейин гуруҳ пиёдаларга қарши снаряд ва маҳаллий ишлаб чиқарилган "Ясин-105" ракетаси ёрдамида "Меркава" танкига зарба бергани тасвирланган.

Нишонга олинган жойдан тутун ва парчаланишлар кўтарилгани, жангчилар зарбадан сўнг чекиниб кетаётгани кўринади.