АҚШ учун асосий таҳдидлар ноқонуний муҳожирлар ва Хитой томонидан келмоқда. Бу ҳақда Штутгартда журналистлар билан суҳбат пайтида Қўшма Штатлар мудофаа вазири Пит Хегсет маълум қилди.
"Ҳозирги вақтда энг катта хавф ўз чегарамизни қўриқлаш бўлиб, биз бу масалани тезкорлик билан ҳал этмоқдамиз. Мен АҚШ Қуролли Кучларининг Шимолий қўмондонлиги ва Мудофаа вазирлиги диққатини бу томонга қаратганидан фахрланаман. АҚШ президенти Доналд Трамп таъкидлаганидек, агар чегарангиз бўлмаса, мамлакатингиз ҳам бўлмайди," дея тушунтирди у.
У АҚШ узоқ вақт давомида бошқаларнинг чегараларини ҳимоя қилиб келганини таъкидлаб, "энди ўз чегараларимизни ҳимоя қилиш вақти келди," деди.
"Ташқи таҳдидларга келсак, шубҳасиз, коммунистик Хитойнинг интилишлари жуда катта. Уларнинг дунёқараши бизникидан тубдан фарқ қилади ва кимки устун келса, ўша XXI асрда етакчилик қилади," дея қўшимча қилди Хегсет.
Россия Хитойнинг геосиёсий рақибига илғор Су-57 қирувчи самолётини таклиф қилди
Россия электридан воз кечишда қандай хавф-хатарлар мавжуд?
Трампнинг баёнотларидан сўнг араблар шошилинч йиғилмоқда
