АҚШ Сурия ҳукуматини ўзгартириш ниятида эмас

Қўшма Штатлар Суриядаги ҳукуматни ўзгартириш ниятида эмас

Бу ҳақда АҚШнинг Сурия бўйича махсус вакили ва Анқарадаги элчиси Том Барак маълум қилди.

Унинг таъкидлашича, АҚШ ҳам Сурияга қўшин жўнатиш ниятида эмас: “Вашингтоннинг устувор йўналиши терроризмга қарши курашдир”.

Дипломат, шунингдек, амалдаги президент Аҳмад ал-Шаара келажагига ишончини таъкидлади.

"Мен унга ишонаман. Ишончим комилки, унинг мақсадлари бизникига мос келади. Бу Сурияда барқарорликни таъминлаш. Бироқ турли этник ва сиёсий талаблар бу жараённи мураккаблаштиради", деб тушунтирди сиёсатчи.