АҚШ судининг қарори автомобиль ва пўлат импортига 25% божни бекор қилмайди

Халқаро савдо бўйича АҚШ Федерал судининг Америка етакчиси Доналд Трамп томонидан жорий этилган божхона тўловларини блоклаш тўғрисидаги қарори Америка Қўшма Штатларига автомобиллар, автомобиль эҳтиёт қисмлари, пўлат ва алюминий импорти учун 25 фоизлик божларга тааллуқли эмас.

Бу ҳақда CNN ёзмоқда.

Қайд этилишича, суд қарори билан Хитойдан келтирилган товарларга 30 фоизлик божлар тўхтатилган. Бундан ташқари, қарор Мексика ва Канаданинг баъзи товарларига 25 фоизлик, АҚШга олиб кириладиган аксарият товарларга эса 10 фоизлик божларни бекор қилади.

"Аммо у автомобиллар, автомобиль эҳтиёт қисмлари, пўлат ва алюминий учун 25 фоизлик божларга таъсир қилмайди," - дейилади материалда.

Телеканалнинг тушунтиришича, ушбу божлар Савдони кенгайтириш тўғрисидаги қонунга мувофиқ жорий этилган. Шу билан бирга, суд Трамп халқаро фавқулодда вазиятларда иқтисодий ваколатлар тўғрисидаги қонун бўйича президентга берилган ваколатлардан ошиб кетган, деб қарор қилди.