Қўшма Штатлар ўзининг ҳарбий техникасини "шартли рақибларга" қарши қўллаш орқали провокациялардан фойдаланади, бу муайян минтақадаги вазиятни жуда мураккаблаштиради, деб ёзади Хитойнинг Global Times нашри.
Яқинда Қора денгизда Американинг МҚ-9 учувчисиз самолёти билан содир бўлган воқеа ана шундай провокацияга мисол бўла олади, дейди муаллифлар.
“Қўшма Штатлар хорижда тобора кўпроқ ҳарбий амалиётлар ўтказар экан, уларнинг провокациялари сони ҳам ортиб бормоқда. Йирик давлатлар ўртасидаги муносабатлар муҳити жиддий равишда ёмонлашди, икки томонлама чекловлар ва алоқа механизмларига жиддий таъсир кўрсатди”, — дейилади материалда.