АҚШ Сомалилендни жуда хавфли шарт эвазига тан олмоқчи? Бу ҳудуд ўзи қаер?

АҚШ Сомалилендни ҳарбий база эвазига тан олишни кўриб чиқмоқда.

АҚШ президенти Доналд Трамп маъмурияти ҳарбий-денгиз базасини барпо этишга рухсат олиш эвазига Сомалилендни қисман тан олиш масаласини муҳокама қилмоқда, дея хабар бермоқда Financial Times.

Financial Times нашрига маълумот берган америкалик амалдор янги маъмуриятнинг Сомалиленд раҳбарияти билан дастлабки мулоқотлари ҳақида сўзлаб, Қизил денгиз соҳилидаги Бербера порти яқинида ҳарбий база барпо этиш эвазига де-факто давлатни тан олиш бўйича эҳтимолий келишув муҳокамалари бошлангани ҳақида маълум қилди.

Амалдорнинг таъкидлашича, Трамп маъмуриятининг Африка бўйича жамоаси ҳали шаклланишнинг дастлабки босқичида ва бу "жуда дастлабки, бошланғич мулоқотлар" давом этмоқда.

Сомалиленд, Сомалининг шимолий ҳудуди, 1991 йилда Сомалидан ажралиб чиққан. Бу Сиад Барре ҳокимияти қулагандан кейин содир бўлди, бу эса мамлакатни фуқаролар урушига олиб келди.