Сўнгги ҳафталарда саккизинчи марта АҚШ Сенати қисман ёпилган федерал ҳукуматни молиялаштиришга қаратилган республикачилар томонидан илгари сурилган қонун лойиҳасини рад этди.
Учрашувни C-SPAN телеканали трансляция қилди.
14 октябрь куни бўлиб ўтган процессуал овоз бериш чоғида республикачилар томонидан ишлаб чиқилган ва аввалроқ Вакиллар палатаси томонидан маъқулланган қонун лойиҳасини Конгресс юқори палатасининг 49 аъзоси қўллаб-қувватлади, 45 нафари қарши овоз берди. Қонун лойиҳасини маъқуллаш учун сенаторларнинг 60 овози талаб қилинади.
АҚШ федерал ҳукуматининг қисман ёпилиши 1 октябрь куни ярим тунда маблағ етишмаслиги сабабли бошланди. Бу Конгрессдаги ҳукмрон Республикачилар ва мухолифатдаги Демократик партиялар вакиллари бир қатор харажатлар моддалари, жумладан, соғлиқни сақлаш бўйича келишувга эриша олмагани сабабли юз берди. Улар келишувга эриша олишмаяпти. Демократлар ва республикачилар бир-бирларини ёпилишни провокация қилишда ва уни сиёсий мақсадларда узайтиришда айблайдилар.
АҚШ қонунларига кўра, миллий хавфсизлик ва ташқи сиёсатга масъул бўлган департаментлар ва идоралар федерал ҳукумат томонидан молиялаштириш тўхтатилган тақдирда ҳам ўз фаолиятини давом эттириши керак. Худди шундай талаблар иши "ҳаёт ва мулкни ҳимоя қилишга" қаратилган давлат хизматчиларига ҳам қўлланилади. Бундай шароитда ишлашга мажбур бўлган давлат ходимлари иш ҳақи олмайдилар, лекин улар одатда молиялаштириш масаласи ҳал қилингандан кейин тўланади.
Янгиланган Cobalt'нинг нархи эълон қилинди
Дунёдаги энг қашшоқ давлатлар
Эрдўған туркий халқлар, жумладан ўзбекларнинг ҳаётини енгиллаштирмоқчи
