Аляскадаги учрашувда Трамп Путинга овозини кўтарган ва ҳатто кетиб қолиш билан таҳдид қилган — Financial Times

Нашр маълумотларига кўра, учрашув қўл сиқиш ва “Трампнинг табассуми” билан бошланган, бироқ ёпиқ эшиклар ортида “илиқлик тезда йўқолган”.

Хабарда айтилишича, Путин Қўшма Штатлар президентининг ўт очишни тўхтатиш эвазига санкцияларни юмшатиш таклифини рад этиб, можаро фақат Украина Москванинг талабларини бажаргандагина якунланишини таъкидлаган.

Сўнгра Россия президенти Киевнинг узоқ тарихи ҳақида маъруза қилишни бошлаб, князлар – Рюрик, Ярослав Донишманд, шунингдек, XVII асрдаги казак атамани Богдан Хмелницкийни тилга олган. Бу эса Трампни асабийлаштирган.