АҚШ Сенати Россияга қарши санкция зарбасини тайёрламоқда

АҚШ Конгрессининг юқори палатаси Россияга нисбатан қаттиқ санкциялар жорий этиш бўйича қонун лойиҳасини кўриб чиқишга тайёр. Ташаббусни 72 сенатор қўллаб-қувватлади, деди ҳужжат муаллифларидан бири, республикачи Линдси Грем. Бу ҳақда Bloomberg ва The Wall Street Journal ёзмоқда.

Ташаббус ҳам бирламчи, ҳам иккинчи даражали санкцияларни назарда тутади. Хусусан, Россиядан нефт, газ, уран ёки нефт маҳсулотларини харид қилишда давом этаётган давлатлардан импорт қилинадиган маҳсулотларга 500 фоизлик бож жорий этиш таклиф қилинмоқда. Ҳужжатда, шунингдек, америка банкларининг Россия давлати билан боғлиқ тузилмаларга сармоя киритишини тақиқлаш ва АҚШ фуқароларининг Россия давлат облигацияларини сотиб олишига чекловлар киритилган.

Аввалроқ, Киев ва Москва ўртасида ўт очишни тўхтатиш бўйича музокаралар фонида Вашингтон санкцияларни қисман бекор қилиш имкониятига рухсат берган эди. Бироқ, айни пайтда улар Россия келишувдан бош тортса, янги босим чораларига дуч келиши ҳақида огоҳлантирган.

WSJ маълумотларига кўра, ҳаммуаллифлар сони 60 тадан ошади, бу эса қонун лойиҳасининг Сенатда қабул қилиниши учун асосий чегара ҳисобланади. Имзоловчилар орасида ҳар икки партия етакчилари бор: республикачи Жон Тун ва демократ Чак Шумер.

Гремнинг айтишича, ҳафта охиригача тарафдорлар сони 67 нафарга етиши мумкин, бу эса Конгрессга президент Доналд Трампнинг эҳтимолий ветосини бекор қилиш имкониятини беради. "Мақсад - президентга ёрдам бериш", деб тушунтирди унинг сиёсий иттифоқчиси саналган сенатор.

Ташаббус ҳам бирламчи, ҳам иккинчи даражали санкцияларни назарда тутади. Хусусан, Россиядан нефт, газ, уран ёки нефт маҳсулотларини харид қилишда давом этаётган давлатлардан импорт қилинадиган маҳсулотларга 500 фоизлик бож жорий этиш таклиф қилинмоқда. Ҳужжатда, шунингдек, америка банкларининг Россия давлати билан боғлиқ тузилмаларга сармоя киритишини тақиқлаш ва АҚШ фуқароларининг Россия давлат облигацияларини сотиб олишига чекловлар киритилган.

Bloomberg агентлигининг ёзишича, Гремнинг баёноти АҚШ ва Украина ўртасида табиий ресурслар бўйича келишув имзоланган пайтга тўғри келган.