АҚШ Саудия Арабистони билан ядровий энергия бўйича келишувни Конгрессга тақдим этди

Трамп маъмурияти Саудия Арабистони билан фуқаролик ядровий ҳамкорлик шартномасини Конгрессга тақдим этди.

Бу ҳақда Reuters агентилиги хабар берди.

Агентлик маълумотларига кўра, АҚШ маъмурияти келишув фақат Саудия Арабистони қиролликнинг Исроил билан муносабатларини нормаллаштиришни назарда тутувчи Авраам келишувларига қўшилган тақдирдагина амалга оширилиши мумкинлигини таъкидламоқда.

22 июль куни АҚШ Энергетика вазирлиги Вашингтоннинг Саудия Арабистонининг фуқаролик ядровий дастурини қўллаб-қувватлашини назарда тутувчи келишув тузилганини эълон қилди. Ҳужжат бир неча ўн йиллар давомида амал қилиши ва Америка компаниялари учун қиролликнинг ядровий энергетика секторини ривожлантиришда иштирок этиш учун кенг имкониятлар очиши керак.

Эртаси куни Трамп Саудия Арабистони келишувни амалга ошириш учун Авраам келишувларига қўшилиши кераклигини айтди. У шунингдек, келишув ядровий бойитишни назарда тутмаслигини таъкидлади.

CNN хабарига кўра, АҚШ президентининг баёноти ҳам америкалик музокарачилар, ҳам Ар-Риёд учун кутилмаган бўлди.