АҚШ Россияга қарши санкцияларни Трамп ва Путиннинг учрашуви ўтказилгунга қадар кечиктирди

Бу ҳақда АҚШ Сенатидаги республикачилар етакчиси Жон Тьюн Bloomberg'га берган интервюсида маълум қилди.

Гап 2025 йилнинг апрел ойида сенаторлар Линдси Грэм ва Ричард Блументал томонидан таклиф қилинган санкциялар лойиҳаси ҳақида кетмоқда. Унда Москва Украинада узоқ муддатли тинчликка рози бўлмаган тақдирда, Россиядан нефт, газ, уран ва бошқа маҳсулотларини сотиб оладиган давлатлардан импортга 500 фоизлик бож жорий этилиши назарда тутилган.

Сенаторлар ушбу чораларни 2025 йилнинг июн ўрталарида бўлиб ўтган G7 саммитигача қабул қилишни режалаштиришган эди, бироқ Трампнинг Россия–Украина можаросини ҳал этиш бўйича баёнотлари ортидан вақтинча тўхтатилганди.