Европа столдан жой талаб қилмоқда. Уларнинг талаби инобатга олинадими?

Европа етакчилари Трамп-Путин учрашувида қатнашмоқчи, деб хабар бермоқда Politico.

Нашрнинг ёзишича, айрим европалик етакчилар Будапештда бўлиши мумкин бўлган Трамп-Путин учрашувида иштирок этишни таъминлашга ҳаракат қилиб, Зеленскийнинг у ерда бўлишини талаб қилмоқда, чунки Европада Украина тақдирини усиз ҳал қилиш мумкинлигидан қўрқув кучаймоқда.

Қайд этилишича, иттифоқчиларнинг асосий ташвиши Путин билан икки соатлик суҳбатдан сўнг Трампнинг Киевни қўллаб-қувватлашга тайёрлиги пасайгани ва Зеленскийга Россия шартларига рози бўлиши, жумладан, Донбаснинг бир қисмини бериш учун босим ўтказиши мумкинлигидир.

Европа Иттифоқи Будапешт учрашуви бўладиган бўлса, Украина столда бўлиши кераклигини таъкидламоқда. Акс ҳолда, Ғарб нафақат Киев, балки бутун Европа учун мағлубият бўладиган тинчликка хавф солади, дейилади мақолада.