Қўшма Штатлар Озарбайжоннинг Қорабоғ минтақасида кескинликни пасайтиришга чақирди.
Бу ҳақда Давлат департаменти матбуот хизмати раҳбари Нед Прайс хабар берди.
Баёнотда АҚШ Қорабоғдаги тўқнашув ҳақидаги хабардан чуқур хавотирда эканини, минтақадаги жанговар ҳаракат, шунингдек, ярадорлар ва ҳалок бўлганлар ҳақидаги маълумотни диққат билан кузатиб бораётгани қайд этилган.
Давлат департаменти таъкидлашича, таранглик кучайиши билан боғлиқ ҳозирги вазиятдан келиб чиқадиган барча ҳал қилинмаган масалаларни изчил ва кенг қамровда ҳал этиш зарур.
Чоршанба куни Озарбайжон армияси Россия тинчликпарвар кучлари вақтинча жойлашган Қорабоғ ҳудудида арманларнинг ноқонуний қуролли тузилмаларига қарши “Қасос” амалиётини бошлади.
Озарбайжон Мудофаа вазирлиги “Қасос” амалиёти ноқонуний арман қуролли тузилмалари Лочин вилояти йўналишида уюштирган ҳужуми ортидан ҳарбий хизматчи ҳалок бўлгандан кейин бошланганини маълум қилди.
Мудофаа вазирлиги бундан буён Озарбайжоннинг суверен ҳудудида содир этилган ҳар қандай террор, ҳужум ва провокацияга қатъий қаршилик кўрсатилиши, шунингдек, жавоб чоралари кескин бўлишини айтиб ўтди.
Расмий Боку Ереванни 2020 йил 10 ноябрда қабул қилинган уч томонлама – Озарбайжон-Арманистон-Россия келишувини бузганликда ва икки томонлама муносабатни мувофиқлаштиришга қаратилган сайъ-ҳаракатга путур етказганликда айблади.
“Озарбайжон ҳудудида содир этилган воқеа учун бутун масъулият Арманистоннинг сиёсий ва ҳарбий раҳбарияти зиммасида, ҳалигача қўшни давлат ҳудудидан ноқонуний қуролли гуруҳлар олиб чиқилмаяпти”, дейилади Ташқи ишлар вазирлиги баёнотида.
ЕЧЛ. Ярим финал. "Бавария" "Реал" билан жанговар дуранг қайд этди
Америкалик таниқли боксчи Баҳодир Жалолов ҳақида фикр бирдирди
Россия иқтисодиёти қулаши мумкин
