АҚШ Молия вазирлиги: Минераллар бўйича келишув Вашингтоннинг тинчлик жараёнига содиқлигини кўрсатади

АҚШ ва Украина ўртасида фойдали қазилмалар бўйича битим тузилиши Вашингтоннинг Россия-Украина урушини ҳал қилиш бўйича тинчлик жараёнига содиқлигини кўрсатиши керак.

Бу ҳақда АҚШ молия вазири Скотт Бессентнинг баёнотида айтилади.

"Ушбу келишув Россияга АҚШ президенти Доналд Трамп маъмурияти тинчлик жараёнига содиқлигини, унинг марказида эркин, суверен ва узоқ муддатли истиқболда гуллаб-яшнайдиган Украина турганини аниқ англатади," - дейилади унинг АҚШ Молия вазирлиги томонидан тарқатилган баёнотида.