АҚШ Мексика кўрфазини Америка кўрфази деб қайта номлади

Қўшма Штатлар Ички ишлар вазирлиги Дональд Трампнинг фармони асосида бир нечта географик номлар ўзгартирилганини эълон қилди.

Хусусан, АҚШда энди Мексика кўрфази Америка кўрфази деб аталади. Шунингдек, Аляскадаги Денали тоғининг номи ҳам ўзгартирилиб, 1901 йилда ўлдирилган АҚШ президенти Уилям Мак-Кинли шарафига Мак-Кинли деб қайта номланди. 1975 йилда тоғга Денали номи берилган эди, бу Алясканинг маҳаллий халқи тилида "улуғвор" деган маънони англатади.

Reuters хабарига кўра, президент Дональд Трамп АҚШ Геологик хизматига Мексика кўрфази номини ўзгартиришни буюрган тақдирда ҳам, бу қарор халқаро миқёсда тан олиниши даргумон.