АҚШ мамлакат учун хавфли деб топилган қонуний мигрантлар учун визани бекор қилди

АҚШ Давлат котиби Марко Рубио ва унинг Давлат департаменти АҚШ ҳукумати назарида мамлакат учун хавф туғдирувчи бир қанча қонуний муҳожирларга берилган визани бекор қилди.

Бу ҳақда Оқ уй матбуот котиби Керолин Левитт Fox News телеканалига берган интервьюсида маълум қилган.

"Рубио ўз ваколатидан фойдаланиб, бу ерга қонуний йўл билан келган, лекин мамлакатимиз учун хавф туғдирадиган ва биринчи навбатда ҳеч қачон киритилмаслиги керак бўлган кўплаб шахсларга визани бекор қилди", деди у.

Левиттнинг сўзларига кўра, АҚШ Давлат департаменти АҚШ визасини олиш учун ариза топширувчиларга қўйиладиган талаблар ва текшириш тартибларини сезиларли даражада кучайтирган.