АҚШ Конгресси 2024 йил учун бюджет масаласи бўйича бир тўхтамга келди. Унда Украинага 300 млн доллар ажратилиши режаланган.
АҚШ бюджетининг юқори чегараси 1,6 триллион доллар миқдорида тасдиқланди. Шундан 300 миллион доллари Украинани қўллаб-қувватлашга йўналтирилади.
Қайд этилишича, Конгресс 2025 йилда ҳам Украинага ёрдам бериш учун худди шундай миқдорда маблағ ажратишга тайёр.
2024 йилги бюджет умумий суммасининг ярмидан кўпи — 886 миллиард доллар мудофаа харажатлари учун ажратилган.
Жо Байден ва Сенатдаги демократлар етакчиси Чак Шумернинг таъкидлашича, қабул қилинган бюджет муҳим ички устуворликларни жиддий қисқартиришнинг олдини олади. Бироқ ушбу келишув тежамкорлик чораларини кўраётган республикачи конгрессменларнинг норозилигига сабаб бўлиши мумкин.
