Бу ҳақда Куба Ички ишлар вазирлиги маълум қилди.
"Воқеа 25 феврал куни Вилья-Клара вилоятидаги Эл-Пино канали яқинида содир бўлди. Қўшма Штатларнинг Флорида штати рақамига эга катер тегишли қоидаларни бузиб, Кубанинг ҳудудий сувларига кириб келди.
Куба чегарачилари катерга яқинлашганда, америкаликлар экипажи уларга қарата ўқ узишни бошлади. Тўқнашув натижасида АҚШ катеридаги тўрт киши ҳалок бўлди, яна олтита киши яраланди. Шунингдек, Куба кемасининг командири ҳам жароҳат олди", дейилади Куба ИИВ баёнотида.
Флоридада рўйхатга олинган катерда 10 нафар қуролланган шахс бўлган, улар “террорчилик” мақсадида Кубага киришни режалаштирган дея қўшимча қилди Куба ИИВ.
Куба расмийлари, шунингдек, катердаги йўловчилар Қўшма Штатларда яшовчи кубаликлар эканини маълум қилди.
Отишма Куба ва АҚШ ўртасидаги муносабатлар кескинлашган бир пайтда юз берди.
Уйига фақат тунда келишни одат қилган қарздорга МИБ "сюрприз" қилди
Ўзбекистонликлар учун Қатарда ишлаш имконияти яратилди
"Ал-Ҳилол" футболчилари Бензема билан шартнома имзоланганидан афсусда
