АҚШ икки ҳафта ичида учинчи марта Венесуэла қирғоқлари яқинидаги кемани қўлга олди

Reuters агентлиги бу ҳақда америкалик икки мулозимга таяниб хабар бермоқда. Бироқ улар гап айнан қайси кема ҳақида кетаётганига аниқлик киритишмаган.

20 декабр куни АҚШ Венесуэладан нефт ташиётган Centuries нефт танкерини ушлаган эди. Associated Press агентлиги маълумотларига кўра, ушбу кема қонуний асосда фаолият юритган, яъни Вашингтон санкциялари остида бўлмаган. 10 декабрда ҳам АҚШ ҳарбийлари Венесуэла нефтини ташувчи Skipper танкерини қўлга олган эди.

17 декабр куни АҚШ президенти Доналд Трамп ўзининг Truth Social тармоғида Венесуэлага бораётган ва у ердан келаётган санкция остидаги нефт танкерларига нисбатан “тўлиқ блокада” жорий этилганини эълон қилганди. Трамп бу чорани Венесуэла Қўшма Штатлардан "нефт, ер ва бошқа активларни ўғирлагани" билан изоҳлаган. Ноябр ойида АҚШ президенти Венесуэла ҳаво ҳудуди ёпилганини эълон қилган эди