АҚШ Ҳормуз бўғози орқали кемаларни кузатиб бориш учун коалиция тузмоқчи

Трамп маъмурияти келаси ҳафтада савдо кемаларини Ҳормуз бўғози орқали кузатиб бориш учун халқаро коалиция тузилганини эълон қилмоқчи.

Бу ҳақда The Wall Street Journal хабар бермоқда.

Мавжуд маълумотларга кўра, ҳозирда кузатувчилар Яқин Шарқдаги ҳарбий ҳаракатлар тугашидан олдин ёки кейин ишга туширилишини аниқлаш бўйича музокаралар олиб борилмоқда.

Коалицияга аъзо давлатларнинг аниқ рўйхати ҳали ошкор қилинмаган, аммо бир нечта давлатлар коалиция таркибига кириши қайд этилган.

Эрон ташқи ишлар вазири Аббос Арағчи якшанба куни Ҳормуз бўғози АҚШ ва унинг иттифоқчилари кемаларидан ташқари барча кемалар учун очиқ эканлигини айтди. Ўша куни кечқурун АҚШнинг БМТдаги доимий вакили Майк Уолтц CNNга берган интервьюсида Вашингтон бошқа давлатларни бўғоздан ўтаётган кемалар хавфсизлигини таъминлашда иштирок этишга "чуқураётганини" айтди.

28 февраль куни АҚШ ва Исроил Эронга қарши ҳарбий операция бошлади. Натижада Олий раҳбар Али Хоменей ва бир нечта юқори лавозимли амалдорлар ўлдирилди. Шундан сўнг, Эрон нафақат Исроилда, балки АҚШ ва иттифоқдош ҳарбий базалари жойлашган мамлакатлар — Саудия Арабистони, Қатар, Бирлашган Араб Амирликлари, Уммон, Баҳрайн, Ироқ ва Кипрдаги нишонларга ҳам зарба бера бошлади.