Иттифоқчи кучларнинг Европадаги собиқ олий қўмондони Бен Ходжес Доналд Трампнинг Украинада Кремлдан энди ўт очишни тўхтатишни талаб қилмаслик ва санкциялар босимидан воз кечиш қарорини кескин танқид қилди. Унинг сўзларига кўра, бундай позиция "Америка президентига бўлган ишончга жиддий путур этказади" ва "Қўшма Штатлар учун камситувчи" бўлади.
"Америка буни ёлғиз ўзи уддалай олмайди, бизга иттифоқчилар керак ва уларнинг энг яхшилари Европа, Канада ва Австралияда. "Агар Қўшма Штатлар буни фақат Европа муаммоси деса, менимча, бу ўнлаб йиллар давомида биз билан бирга бўлган иттифоқчиларимизга хиёнат қилган бўларди", - дейди Ходжес.
Унинг сўзларига кўра, агар АҚШ ҳақиқатан ҳам музокара жараёнидан чиқиб кетса ва Украинага ёрдам беришни тўхтатса, Европа етакчи ролни ўз зиммасига олишга мажбур бўлади.
"Германия энг йирик ва кучли иқтисод сифатида етакчиликни қўлга киритиши керак. Менимча, бошқа Европа давлатлари ҳам Германия яхши ўрнак бўла оладими ёки йўқлигини кўришни кутмоқда", - дея қўшимча қилди Ходжес.
Генералга кўра, Россиянинг мақсадлари ўзгаришсиз қолмоқда – Украинани давлат сифатида йўқ қилиш ва НАТОни йўқ қилиш.
"Агар Россия алянс аъзосига ҳужум қилса ва биз бунга муносиб жавоб бермасак, бу бутун иттифоқнинг охири бўлиши мумкин", - дея огоҳлантирди Ходжeс.
Покистон ва Афғонистон ўртасида қуролли можаро бошланди
Зеленский Кличконинг сўзларидан сўнг жиддий огоҳлантириш юборди
"Ишонинг, бизда ҳам жавоб тариқасида суратга олишга арзигулик нарсалар бор" - Шойгу
