АҚШ Эронга ёрдам бераётганларни доллар тизимидан чиқариш билан таҳдид қилди

АҚШ молия вазири Скотт Бессент Эрон ва унинг ҳукуматини қўллаб-қувватлаётган мамлакатларга қарши қаратилган «мисли кўрилмаган» «Иқтисодий қувғинди» операцияси бошланганини эълон қилди. Бессентнинг сўзларига кўра, Вашингтон Эроннинг қолган дунё билан молиявий алоқаларини узиш ва, хусусан, Ислом инқилоби муҳофизлари корпусини молиялаштираётган даромад манбаларини тўсиб қўйиш ниятида. АҚШ Теҳронга пулларни ювишда ёрдам берадиган ташкилотлар Америка доллар тизимидан чиқариб ташланиши мумкинлигидан огоҳлантирди.