"Сабаҳ" билан Европа Чемпионлар лигасининг асосий босқичига йўл олган Умарали Раҳмоналиев тарихий натижадан кейинги таассуротлари билан ўртоқлашди.
Ўзбекистонлик ярим ҳимоячининг айтишича, ҳал қилувчи учрашувда стадионга келган мухлисларнинг қўллаб-қувватлови жамоага катта куч берган.
"Аллоҳга шукр, ғалаба қозондик. Шунча мухлис келди ва бизга куч бўлди. Бу ўйин орқали бутун Озарбойжон халқини бирлаштирдик, десам ҳам бўлади. Ҳиссиётларни сўз билан ифодалаш қийин", — деди футболчи.
Раҳмоналиев ҳал қилувчи баҳсда гол уришидан олдин мураббийлар ундан дарвоза томон фаолроқ зарба беришни талаб қилганини ҳам айтди. Аввалги ўйинларда унда имкониятлар бўлган, бироқ улардан фойдалана олмаган.
ЕЧЛдаги эҳтимолий рақиблар ҳақида гапирар экан, футболчи муайян жамоани танлаш тўғри эмаслигини таъкидлади. Шунга қарамай, унинг орзусидаги учрашув бор.
"Асосий босқичда кучсиз жамоа бўлмайди. Рақиб танламаслигимиз керак. Аммо "Бернабеу"да "Реал"га қарши ўйнаш яхши бўларди", — деди Раҳмоналиев.
У шунингдек, Абдуқодир Ҳусанов билан бирга Чемпионлар лигасида Ўзбекистон номидан иштирок этиши алоҳида аҳамиятга эга эканини қайд этди. Раҳмоналиевнинг фикрича, ўзбекистонлик мухлислар эндиликда "Сабаҳ"нинг ўйинларини томоша қилиш учун Озарбойжонга ҳам бориши мумкин.
"100 миллион доллар эвазига ҳатто ўз отамнинг ҳам юзига ураман"
ОАВ: Ламин Ямал севгилиси билан бирга яшашни бошлади
Ҳакамликдаги шов-шувдан кейин «Пахтакор» ҳомийси клубдан кетиши мумкин
