АҚШ Эронга урушни якунлаш учун 15 банддан иборат талаб ва таклифларни юборган

АҚШ Эронга урушни якунлаш учун 15 банддан иборат талаб ва таклифларни юборган — The New York Times.

Газета маълумотларига кўра, Вашингтон ва Теҳрон ўртасида воситачи сифатида Покистон армияси Бош штаби бошлиғи Саййид Асим Мунир иштирок этган бўлиб, у Эрон Ислом инқилоби қўриқчилари корпуси билан алоқаларга эга.

Қўшма Штатларнинг Эронга қўйган талаб ва таклифлари қуйидагилардан иборат:

1. Эронга қарши барча санкцияларни бекор қилиш;

2. АҚШ томонидан фуқаролик ядровий дастурини (электр энергияси олиш учун) ривожлантиришни қўллаб-қувватлаш;

3. Санкциялар қайта жорий этилмаслигига кафолат бериш;

4. Эроннинг ядровий дастурини белгиланган чекловлар доирасида тўхтатиб туриш;

5. Эронга тегишли бойитилган уранни келишилган назорат остида ва муайян ҳажмда сақлаш;

6. Ракета дастурини кейинги босқичда сони ва масофаси бўйича чекловлар билан қайта кўриб чиқиш;

7. Ядровий технологиялардан фуқаролик ва ноҳарбий мақсадлардан ташқари фойдаланишни чеклаш;

8. Мавжуд ядровий салоҳиятни ривожлантиришни тўхтатиш;

9. Уранни бойитиш қувватларини кенгайтиришни тақиқлаш;

10. Эрон ҳудудида қурол сифатида фойдаланиладиган ядровий материал ишлаб чиқаришни тақиқлаш;

11. Барча бойитилган материални келишилган жадвал асосида Атом энергияси бўйича халқаро агентликка топшириш;

12. Натанз, Исфаҳон ва Фордодаги ядровий объектларни йўқ қилиш;

13. Халқаро мониторинг ва текширув механизмларини жорий этиш;

14. Режанинг босқичма-босқич амалга оширилиши келишувларга риоя этилиши билан узвий боғлиқ бўлиши керак;

15. Томонлар ўртасида хавфсизлик бўйича қўшимча минтақавий келишувлар тузиш.