АҚШ Эронга қарши сўнгги етти йил ичида энг катта санкцияларни жорий қилди

Қўшма Штатлар Эронга, жумладан Теҳрон назорати остидаги халқаро юк ташиш тармоғига, шунингдек, ўнлаб компания ва кемаларга қарши сўнгги етти йилдаги энг йирик санкцияларни киритди.

Бу ҳақда Bloomberg агентлиги маълум қилди.

"АҚШ Молия вазирлиги сўнгги етти йил ичида Эронга қарши энг йирик санкцияларни киритди. Отаси олий раҳнамо Оятуллоҳ Али Хоманаийнинг катта маслаҳатчиси бўлган Ҳусайн Шамханийга ўз бизнес империясидаги ўнлаб шахслар, компаниялар ва кемалар билан бир қаторда санкция қўйилган", дейилади нашрда.

Қайд этилишича, бу чоралар Европа Иттифоқи (ЕИ) Шамханий ва унинг бир қанча фирмаларига қарши санкциялар жорий қилганидан бир ҳафта ўтиб, шунингдек, АҚШ президенти Дональд Трампнинг Теҳронга нисбатан чекловларни кучайтириш ҳақидаги “аралаш сигналлари”дан сўнг қабул қилинган.